Денеска дожд од идната недела заладување - еве какво време не очекува

Времето во Македонија ќе биде променливо облачно со сончеви периоди и со повремен локален дожд, а на планините се локален снег.

Утринската температура ќе се движи од нула до пет, а дневната од 10 до 16 степени.

Во Скопје и околината времето ќе биде променливо облачно со сончеви периоди и со слаб до умерен северен ветер. Утринската температура ќе се спушти до четири, а дневната ќе се искачи до 13 степени.

До петок ќе преовладува променливо облачно време со повремени локални врнежи од дожд, а на планините со повремен локален снег.

За време на викендот и почетокот на наредната недела ќе дува умерен северен ветер кој ќе предизвика заладување и опаѓање на температурата. Во недела температурата ќе се движи од шест до 13, а во понеделник од четири до 10 степени.