Се испитува рударската несреќа во Добрево
Министерот за економија Ваљон Сарачини истакна дека инспекција ќе ја провери причината за несреќата во пробиштипскиот рудник за олово и цинк „Добрево“, во која двајца рудари беа повредени синоќа.
„Доколку причината за повредата на рударите во овој рудник се недостатоци на имплементација на законот за безбедност и заштита на работниците ќе побараме одземање на лиценцата“, се закани Сарачини.
Двајцата рудари, 51-годишниот Ј.И. од Пробиштип и 40-годишниот В.П. од Злетово, иако не се во животна опасност, со сериозни повреди и искршеници на рацете и ’рбетот, биле префрлени на скопските клиники. Несреќата се случила кога врз нивните глави се одронала руда.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
