Анкета: Утре би победиле на избори - ВМРО-ДПМНЕ и Груевски со најголема доверба кај граѓаните

Во периодот помеѓу 16 и 19 Февруари 2014 година Институтот Павел Шатев спровел телефонска анкета на 1450 испитаници со цел да ги утврди перцепциите на македонските граѓани кон политичките партии и нивните лидери во Република Македонија. Во истражувањето кое биле спроведено на ниво на Република Македонија, биле опфатени сите шест изборни единици, како и повеќе демографски карактеристики на населението вклучително пол, етничка припадност и возраст, но била направена поделба и според руралните и урбани места на живеење при што Скопје е земено како посебна целина.

Анкетата покажува дека владејачката ВМРО-ДПМНЕ и премиерот Никола Груевски се уште уживаат најголема доверба кај граѓаните.

Според анкетата, доколку изборите се одржат утре, за владејачката ВМРО-ДПМНЕ ќе гласаат 25,8 отсто, додека за опозициската СДСМ би гласале 15,3 отсто од граѓаните.

Актуелниот премиер Никола Груевски ужива доверба кај 26,4 отсто од граѓаните. Во Зоран Заев и Радмила Шекеринска имаат доверба 7,4 % односно 1,3 % од граѓаните, додека Бранко Црвенковски ужива доверба кај само 1,4 отсто од граѓаните.

Погледнете ги резултатите од анкетата.