ВНИМАВАЈТЕ: Намалена видливост поради маглата на патните правци

Сообраќајот на сите државни патишта се одвива непречено, по наместа влажни коловози.

Намалена видливост поради магла се бележи на следниве патни правџи: Куманово-Крива Паланка 30-50 метри, Куманово-Свети Николе 30-50 метрим, Куманово-Скопје 30-50 метри, Тетово-Скопје 10-20 метри, Тетово-Гостивар 20-30 метри, Тетово-Јажинце 10-20 метри, Тетово-П.Шапка 50 метри, Дебар-Струга 10-20 метри,  Штип-Радовиш 30 метри, Штип-Неготино 30-50 метри, Штип-Велес 10-20 метри, Велес-Скопје 100 метри, Прилеп-Градско 50-100 метри, Ресен 50 метри и Струмица-Ново Село 100 метри.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово - Велес, Маврово – Дебар - Струга, Демир Капија - Удово, Кочани - Делчево и Берово - Виница, каде е можна почеста појава на одрони.

Геодетските активности за потребите за изработка на проектна документација за рехабилитација на патниот правец А-1, делница Неготино - Демир Капија се завршени и сообраќајот е нормализиран. Завршени се и сите теренски активности (геодетски и геомеханички истраги) долж патниот правец А-1, делница Миладиновци - Куманово.

Заради вршење на градежни работи за реконструкција и санација на мост на река Брегалница кај селото Долни Балван, Општина Карбинци, СЕ ЗАБРАНУВА сообраќајот во двата правци по локалниот пат село Долни Балван - село Таринци во термин од 14.01.2014 година до завршување на реконструкцијата на мостот на река Брегалница.

Патниот правец Р2 332, Охрид - Ресен преку Галичица (врска со Р1307 (Царина)-врска со А3 и Р1301 (Трпејца), од месноста Корита до зимскиот центар Отешево се затвора сезонски за сообраќај на сите возила. Оваа забрана ќе трае до 31.03.2014 год.

Интензитетот на сообраќај на патните правци надвор од градските средини е умерен.

На граничните премини нема подолготрајни задржувања за влез и за излез од државата.