Дубровник: „Можеби ќе продадеме бубрег за да платиме за стан“
На Фејсбук страницата „Изнајмување станови во Дубровник“ деновиве се појавила објава што ги насмеала и воодушевила сите што ја виделе.
Имено, на страницата, Андреа Оберан и нејзиното момче објавиле необичен оглас во кој бараат стан за долгорочно0 изнајмување – и тоа во стил што ретко се гледа во морето од суви огласи.
Огласот започнал со духовит вовед:
„Бараме стан затоа што двајцата го сакаме Дубровник повеќе од нашите бубрези (и можеби ќе треба да продадеме еден за да го платиме)“.
Тие јасно навеле што бараат
Младиот пар јасно навел што бараат: Стан од најмалку 35 квадратни метри, со една спална соба, по можност во областа Лапад, Дубровничка жупанија или Цавтат. Посебен бонус би бил паркингот, бидејќи како што велат, „им е здосадено да талкаат низ соседството и да плаќаат за ППК картичката“.
Во огласот, тие нагласиле дека не пушат, дека немаат домашни миленици и дека чистотата не им е проблем бидејќи Андреа работи од дома и, како што вели, има „благо опсесивно-компулсивно растројство, па станот секогаш ќе биде чист како аптека“. „И малку постерилен“, се пошегувала таа.
Ветила вечера ако најдат стан
Сепак, најголемата предност е скриена во ветувањето за идниот закупец или кој и да им го покаже идеалниот стан: Домашна вечера со десерт и вино.
„До оној што нè поврзува со нашиот иден стан – готвам вечера. Не зборувам за сендвич со тост, туку за домашен оброк, десерт и вино… бидејќи хедонистот во мене секогаш бара можност за добар оброк и уште подобра приказна на масата“, напишалаа таа.
„Доколку имате стан кој ќе нè заведе двајцата на прв поглед, а не ќе нè собори кога ќе ја видиме цената – контактирајте не“, додала таа.
Покрај тоа што огласот се проширил на социјалните мрежи поради својата искреност и хумор, многумина биле привлечени и од прикачената фотографија со натпис: „Бубрези на продажба стан под кирија во Дубровник“.
На крајот од огласот, Андреа им се обратила на изнајмувачите и ги замолила да не нудат станови во кои самите не би живееле, велејќи: „Времето е пари – да не го трошиме залудно“.
Реакции на Хрватите
„Да имав стан, дефинитивно би ви го изнајмил, огласот е за 10“, „Да имав стан, по таков оглас, би го дал бесплатно најмалку шест месеци“, „Среќно во вашето пребарување“, беа коментарите под огласот. „Среќно луѓе! Грижете се за вашите органи“, се пошегувал некој.
— Likeaboss (@Instastory88) August 21, 2025
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
