Денеска ладно и врнежливо време - не излегувајте без чадор

Времето во Македонија денеска ќе биде променливо облачно, а по котлините магливо. Кон крајот на денот и во вечерните часови ќе има слаби локални врнежи од дожд. Повеќе услови за дожд ќе има во западните делови. Ќе дува слаб до умерен југоисточен ветер.

Утринската температура ќе се движи од минус четири до четири, а дневната од пет до 12 степени.

Во Скопје времето претпладне ќе биде магливо и со ниска облачност. Попладне ќе дува слаб до умерен југоисточен ветер. Во вечерните часови ќе има услови за слаб локален дожд. Утринската температура ќе се спушти до два, а дневната ќе се искачи до шест степени.