Апелациониот суд во Белград го укина притворот на тројца обвинети за падот на настрешницата

Тричлениот совет на Апелациониот суд во Белград го укина првостепеното решение со кое им беше продолжен притворот на тројца обвинети во врска со извршување на повеќе кривични дела со коруптивен елемент, што резултираше со пад на настрешницата на железничката станица на 1 ноември 2024 година, при што животот го загубија 16 лица.

Со ваквата одлука, жалбите на бранителите на обвинетите биле прифатени, па на Вишиот суд во Белград му било наложено повторно да одлучува за продолжување на притворот на Слободанка К, менаџер за развој на инвестиции на АД „Инфраструктура Железница Србија“ со седиште во Белград, како и на претседателот на Техничката инспекција на Св. Милутин С. и членот на таа Комисија Билјана К.

Членови на тричлениот совет кој ја донел оваа одлука се судиите Миодраг Мајиќ, Весна Лукачевиќ и претседателката на советот, судијката Оливера Анѓелковиќ.