Гаши: Собранието е подготвено за уставни измени - потребна е политичка волја

Претседателот на Собранието Африм Гаши вели дека Собранието е подготвено за уставните измени за внес на Бугарите во него, но според него, потребна е само политичка волја.

– Собранието во смисла на процедурата е подготвено во секое време тоа да го отпочне. Но, за да се отпочне тој процес треба политичка волја и договор за да имаме јасна перцепција, за да не почнеме нешто што нема да ни успее. Во однос на Собранието, службите и процедурата ние сме спремни. Се надеваме дека што побргу ќе дојдеме до тој политички договор за да се отпочне тој процес. Јас би сакал тоа да биде што побрзо затоа што навистина мислам дека е од стратешко значење и од битно значење да ги започнеме преговорите што побргу и да станеме полноправна членка на ЕУ, рече Гаши одговарајќи на новинарско прашање.