Апасиев: Левица ќе коалицира со влада која ќе ги прифати црвените линии во одбрана на македонската држава
Апасиев од Битола истакна дека пред граѓаните стојат три платформи во изборот за претстојните Парламентарни избори:
,Имате три платформи. Првата платформа е Тиранска платформа зад која стојат необалистички партии на албанското малцинство без оглед дали е ДУИ, дали е коалиција ВРЕДИ – тоа е еден ист концепт, кој води кон разградување на државата. Втората платформа е Софиска платформа зад која што стојат македонските буржујски партии: СДС и ДПМНЕ. И третата платформа, која ние денес јавно ја обзнанивме – тоа е Македонска платформа во 5 точки за зачувување на територијалниот интегритет, суверенитет, унитарноста и државните инсигнии”, велат од Левица.
Како што дополнуваат, Левица ќе коалицира со влада која ќе ги прифати црвените линии во одбрана на македонската држава.
„На овие избори, македонскиот народ ќе стави крај на диктатите и поразите од режимот на СДС и ДУИ и повторно ќе ја возобнови Републиката“,завршуваат од Левица.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
