Алиоски по голот за Фенербахче: Среќен сум, чувството е неверојатно

Езѓан Алиоски доби само десетина минути игра за Фенербахче во мечот со Адана Демирспор, но и тоа му беше доволно да постигне прекрасен гол за потврда на 4:2 победата на својот тим.

Алиоски по голот за Фенербахче кажа дека е пресреќен поради победата на неговиот тим.

„Најважна е победата за тимот, иако голот беше неверојатен. Се надевам на уште многу голови во дресот на Фенербахче. Навивачите направија неверојатна атмосфера и чувството е прекрасно“, вели македонскиот фудбалер.