Избувна пожар во импровизираната ромска населба во Кисела Вода

Пожар избувна утринава во импровизираната ромска населба лоцирана во населбата Кисела Вода во Скопје. Според информациите до кои дојде Макфакс, жителите одеднаш забележале црн густ чад, а пожарот веднаш зафатил поголем простор.

За среќа, со брзата интервенција на противпожарната служба, пожарот бил веднаш локализиран, а нема повредени лица.

Се претпоставува дека пожарот најверојатно бил предизвикан од запалена автомобилска гума или друга пластична материја, која Ромите обично ја користат за загревање на импровизираните живеалишта.