Со метална шипка ја удирал по главата - тетовчанка преживеала хорор

Жена од тетовското село Бродец синоќа преживеала вистински хорор кога во нејзината куќа влегло засега непознато лице и ја удрило со метална шипка по главата. Според податоците од полицијата, се работи за 46-годишната Р.З. која додека била на својата тераса забележала насилник кој неколку пати ја удрил во пределот на главата со метална шипка, а потоа откако таа започнала да вика за помош, и се заканил дека ќе ја убие доколку не престане да вика.

За среќа, жената која веднаш била пренесена во болница во Тетово сега е надвор од животна опасност.

Полицијата трага по сторителот кој ќе одговара за хоророт кој го направил.