Се огласи братот на Тот по трагедијата: Прерано, веќе ништо нема да биде исто (ФОТО)
Борис Тот, брат на ракометарот Денис Тот кој почина во Македонија, се огласи со емотивна порака.
„Прерано нè напушти, драг мој. Почивај во мир. Ништо повеќе нема да биде исто без тебе“ – напиша тој.
Ракометарот на РК Бутел, Денис Тот почина на КАРИЛ, дознава Курир од болнички извори. И покрај напорите на лекарите, тие не успеале да го спасат 27 годишниот ракометар од Хрватска.
Од Министерството за внатрешни работи истакнаа дека пријавата од Клиничкиот центар ја добиле вчера утрото во 4:11 часот, а лицето било донесено во бесознание и без видливи повреди од насилство.
За здравствената состојба на ракометарот, изјава даде и директорката на КАРИЛ доктор Маја Мојсова.
-Ракометарот е во критична состојба. Слободно, можам да кажам дека се бориме за неговиот живот. Но, тоа што е чудно е дека тој нема видливи знаци на насилство. На нашата клиника беше донесен без срцева акција. Правиме се што можеме во моментот за да му го спасиме животот, изјава Мојсова за „Фокус“.
Неофицијално, причина за смртта е срцеви проблеми.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
