Почнаа безобразно да заработуваат по смртта: Маичка на Брајант препродадена за 38.000 долари
Американскиот новинар Марк Медина пристигна во „Стејплс Центар“ на еден час пред почетокот на комеморацијата во чест на Коби Брајант, кој загина во хеликоптерската несреќа на 26 јануари. Пренесува за емотивна атмосфера, за реки луѓе кои се движат кон домот на „езерџиите“ за последен пат да се простат со „црната мамба“, како што беше прекарот на легендарниот кошаркар.
„Тие кои ќе присуствуваат на комеморацијата на Брајант, при влез во салата, ќе добијат маичка и комплетна програма на вечерта“, напиша Медина на Твитер.
Многумина сметаат дека добар дел од гостите во „Стејплс Центар“ вечерва се дојдени само за материјалите и со намера да заработат. Имало и такви кои купиле билет за комеморацијата, за подоцна „солено“ да го препродадат добиеното.
Една маичка, на пример, е продадена за 38.750 долари, но сите пари на крај завршија во Фондацијата „Мамба и мамбасите“ на Коби Брајант.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
