Голманската легенда се кандидира за претседател на Фудбалската федерација на Шпанија
Прославениот шпански голман, Икер Касилјас се кандидира за претседател на Фудбалската федерација на Шпанија. Во мај лани, тој доживеа срцев удар, па иако излезе од болница по пет дена и се врати на тренинзите во Порто, сепак, нема повторно да застане меѓу стативите.
Затоа, 38-годишниот голман реши да ја заврши кариерата и ракавиците и копачките да ги замени со функција во шпанската федерација. Касилјас ќе биде единствен противкандидат на Луис Рубиалес на изборите во мај и уште од сега ужива голема поддршка од навивачите и поранешните колеги во репрезентацијата.
Касилјас беше член на Реал Мадрид цели 16 години, период во кој забележа преку 700 настапи за „кралскиот клуб“ со кој освои три титули во ЛШ, а во 2015 година направи трансфер во Порто.
За „црвената фурија“ бранеше во 167 меча и со неа триумфира на две Европски првенства и на едно Светско.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
