Претседателот Иванов го честита Курбан Бајрам

Претседателот Ѓорге Иванов денеска упати честитка по повод празникот Курбан Бајрам.

- Најискрено посакувам Курбан Бајрам да го поминете во добро здравје, радост, среќа и хармонија. И годинешново празнување нека биде во духот на помагањето и солидарноста, споделувањето и грижата. И овој Курбан Бајрам да им подадеме рака и да бидеме дарежливи кон помалку имотните и на сите на кои им е потребна поддршка, вели Иванов во честитката.

Според Иванов Исламската верска заедница и сите нејзини верници, како нераскинлив дел од македонското општество, и понатаму ќе бидат активни чинители во градењето на соживот и разбирање помеѓу различните вери и етникуми во Република Македонија.

- Да продолжиме заедно да работиме на добросостојбата на сите наши граѓани и да продолжиме да создаваме услови за просперитетна и развиена Република Македонија, вели претседателот Иванов во честитката.