Телото на Сала е однесено во Аргентина- погребот закажан за утре
Телото на поранешниот напаѓач на Кардиф и Нант Емилијано Сала во текот на денешниот ден беше предадено во главниот град на Аргентина, Буенос Аирес, а потоа испратено во неговиот роден град Прогресо.
Церемонијата на збогување со фудбалерот семејството и останатите ќе се одржи утре (16 февруари).
Сала направи трансфер од Нант во Кардиф во јануарскиот трансфер прозорец, но не одигра ниту еден натпревар за велшкиот клуб.
На 21 јануари тој со приватен авион тргна од Нант кон Кардиф, но еден час пред слетувањето авионот исчезна од радарите. Остатоците од авионот заедно со телото на 28-годишниот Сала беа пронајдени пред десетина дена на дното на океанот во близина на островот Гернзи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
