Два авиони ќе го гаснат пожарот кој го голта Дојран

Како што информираат од Дирекцијата за заштита и спасување, избувнал пожар на непристапен терен помеѓу стар и нов Дојран.

Зафатена е површина со нискостеблеста шума и поради непристапноста на теренот, по барање на градоначалникот на општина Дојран, Дирекцијата за заштита и спасување ги активира двата противпожарни авиони AirTractorза локализирање  на пожарот. Во гасење на пожарот ангажирани се од општината Дојран, ТППЕ Гевгелија и ДПД Дојран. 

Доколку има потреба, Дирекцијата за заштита и спасување ќе изврши мобилизација и ангажирање на силите за заштита и спасување.