Парталов: „Агроберза„ и уплатила надоместок на Струмица за уредување градежно земјиште

Секретарот на општина Струмица,Кирил Парталов денеска на прес- конференција презентираше банкарски листинзи на кои, како што рече, јасно се гледа дека „Агроберза” извршила уплата на средства на сметката на општина Струмица на име, надоместок за уредување градежно земјиште.

- Документите покажуваат дека власта само платила надоместок за уредување на градежното земјиште, што општината понатаму сама го инвестирала во изградба на инфра-структура, нагласи секретарот Парталов.

Секретарот на општина Струмица упати апел до власта да престане за свои интереси да и штети на Македонија, а до сегашните инвеститори упати извинување за споменувањето на нивните компании.