Почнуваме со Зенит на 14 септември во Скопје - еве ги термините за натпреварите на Вардар

Познат е распоредот на натпреварите на Вардар во групната фаза од Лигата на Европа. Како што е познато, нашиот тим се најде во групата „Л“ заедно со Зенит, Реал Сосиедат и Розенборг. 

Вардар првиот натпревар го игра на домашен терен против Зенит на 14-ти септември. Во второто коло Вардар гостува во Трондхајм на Розенборг на 28-ми септември. Во третото коло повторно гостуваме на Реал Сосеидат на 19-ти октомври, а во четвртото коло на 2-ри ноември играме против шпанскиот тим на домашен терен. Во петтото коло „црвено-црните“ ќе ги одмерат силите со Зенит во Санкт Петерсбург, меч кој што се игра на 23-ти ноември, а во последното коло на 7-ми декември игра дома со Розенборг. 

РАСПОРЕДОТ НА НАТПРЕВАРИТЕ НА ВАРДАР ВО ГРУПАТА „Л“ ВО ЛИГАТА НА ЕВРОПА

1. КОЛО - Вардар - Зенит     (14.09.2017)

2. КОЛО - Розенборг - Вардар         (28.09.2017)

3. КОЛО - Реал Сосиедат - Вардар  (19.10.2017)

4. КОЛО - Вардар - Реал Сосиедат  (02.11.2017)

5. КОЛО - Зенит - Вардар     (23.11.2017)

6. КОЛО - Вардар - Розенборг         (07.12.2017)