Раул се огласи по одлуката на Самсоненко: „Треба да си бараме нови клубови“

Веста за заминувањето на Сергеј Самсоненко од сите екипи на Вардар, ракометарите ги затекна на пат за Германија, каде што играа подготвителен турнир. Предводникот, Раул Гонзалес вели дека, ако е така, тоа ќе важи и за нив, па ќе мора да си бараат нови клубови.

„Никој не го посакува тоа, но штом претседателот така кажа, тогаш ќе треба сите да си бараме нови клубови. Но, имаме цела сезона пред нас и не треба сега да размислуваме за тоа, наше е да играме ракомет и да се фокусираме само на тоа. Тешко е, но таков е животот“, вели Раул за Спорт1.