Супер купот од Скопје во директeн пренос на преку 300 медиуми

Хозе Антонио Санчес е дел од 60 члениот тим од шпанската национална телевизија Антена 3 која ќе врши пренос на Суперкуп натпреварот меѓу Реал Мадрид и Манчестер Јунајтед. За прв пат е во Македонија. Вели дека Скопје е прекрасен град и задоволен е од условите за работа. Санчез иако е навикнат на сончевите зраци вели дека во Скопје е многу топло.

Националната арена ги исполнува сите услови за еден ваков врвен фудбалски натпревар, вели тој, нагласувајќи дека олеснителна околност е што се наоѓа во близина на центарот на градот. Во однос на вечерашниот дуел, очекува квалитетна пресметка.

Шпанската национална телевизија е една од 300-те телевизиски канали кои ќе вршат пренос од Суперкупот во 228 земји ширум светот. Овој факт потврдува дека дуелот меѓу европскиот шампион и освојувачот на трофејот во Лигата на Европа го става Скопје во центарот на светската фудбалска јавност, и придонесвува за огромна промоција на Македонија.

За дополнителна гледаност ќе придонесе и атрактивноста на двата тима, со оглед на светската популарност на Реал Мадрид и Манчестер Јунајтед.  

Дуелот за престижниот трофеј ќе се игра вечерва, од 20.45 часот, на националната арена “Филип Втори”.