Роналдо по вторпат во Скопје: Верувале или не првиот пат фудбалерот играл на стадионот во Чаир!

За најголемата фудбалска ѕвезда Кристијано Роналдо, доколку дојде во Скопје натпреварот во вторник ќе биде негов втор одигран во нашата метропола.

Роналдо пред 14 години со младинската репрезентација на Португалија играше официјален квалификациски натпревар против врсниците од Македонија на стадионот во Чаир.

Денешната фудбалска мега ѕвезда тогаш беше млад и надежен фудбалер непознат за пошироката јавност, но денес фановите едвај чекаат да дојде во Скопје.

Мечот помеѓу Реал Мадрид и Манчестер Јунајтед е закажан за во вторник на 8 август, но дали фудбалерот навистина ќе дојде во Скопје засега само се шпекулира.