Младите македонски фудбалери ја совладаа Бугарија
Младата фудбалска репрезентација на Македонија до 18 години, забележа победа над соодветната селекција на Бугарија.
Во првиот од двата контролни, пријателски натпревари меѓу селекциите на Македонија и Бугарија одигран попладнево на тренинг центарот „Петар Милошевски“ кај ФФМ, младите македонски фудбалери забележаа минимална победа со 1-0.
Стрелец на единствениот гол на натпреварот беше Јани Атнасов во 14.минута од пенал.
Втората средба ќе се игра на истиот терен во четврток (11 мај) со почеток од 11:00 часот.
09.05.2017 - 18:58
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
