Дерби на милионерите во Скопје: Вардар ја пречекува Шкендија

Втората пролетна рунда од домашниот фудбалски шампионат на Македонија го носи големото дерби меѓу Вардар и Шкендија, екипи кои се најсериозни претенденти за шампионскиот трофеј и годинава. 

 

Овој меч е од висок ризик, а од тие причини претставниците на двата клуба заедно со МВР и ФФМ донесоа одлука дека на натпреварот нема да има навивачи на тетовската екипа. Затоа влезниците ќе се продаваат само со приложување личен документ и тоа на билетарницата на северната трибина која ќе работи до 13:45 часот.

 

Дуелот од 20.коло ќе се игра во Скопје на националната арена „Филип Втори“ со почеток од 14 часот, а ќе го суди Александар Ставрев. 

 

Покрај овој натпревар попладнево ќе се играат и средбите: Ренова - Македонија ЃП, Шкупи – Работнички и Силекс – Победа. 

 

Во воведниот меч од ова коло, одигран вчера во Охрид, Пелистер со 2:1 ја победи Брегалница. 

 

Табела: Вардар 44 бодови, Шкендија 40, Пелистер 33, Работнички 31, Ренова 26, Силекс 24, Победа 16, Шкупи 16, Македонија ЃП 15, Брегалница 11.