Водата во кризните подрачја е исправна за пиење

Првичните резултати од сите мерења укажуваат на санитарно исправна вода за пиење во местата погодени од саботното невреме во Скопје.

Стручни тимови на ЈП Водовод и канализација беа вонредно ангажирани, при што извршиле теренски мерења и зеле примероци од водата за пиење на територијата на целиот град Скопје но со акцент на кризните подрачја.

По направените истражувања покажано е дека водата е санитарно исправна за пиење, информираат од ЈП Водовод и канализација.