Мицкоски од Вашингтон: САД преку нашата земја можат да станат директна конкуренција на Русија и Кина

Премиерот Христијан Мицкоски на Конференцијата за конзервативна политичка акција (CPAC) во Вашингтон зборуваше за тоа колкава е важноста на Северна Македонија како стратешки партнери со САД и за соработката околу гасоводот кој се гради со Грција.

„Се разбира, ние сме под силен финансиски притисок што доаѓа од таа земја (Кина), но единствената загатка што им недостига во нивниот економски мозаик е токму мојата земја. Зошто мојата земја,бидејќи е природен пресек на два многу важни паневропски коридори, коридорот осум и коридорот 10. Коридорот 10 ја поврзува Јужна Европа, практично Грција и пристаништата од Грција со Централна и Западна Европа, а коридорот 8, вториот најважен коридор за НАТО, го поврзува Црното со Јадранското Море. Практично, двата коридора се вкрстуваат на територијата на мојата татковина. И, единствената загатка што му недостасува на овој азиски џин е територијата на мојата земја. Бидејќи сме стратешки партнери со Соединетите Американски Држави, би сакал да поздравам што е можно повеќе, да речеме дека инвеститорите и американските бизниси се веќе присутни во мојата земја, што ќе биде голема конкуренција на овие азиски гигантски компании кои се веќе присутни во регионот. Затоа, мојата земја, мојата татковина е од големо значење за САД, не само за регионот, туку и за Европа“, рече Мицкоски.

Мицкоски објасни зошто американското присуство е уште поважно за Северна Македонија и како може да стане конкуренција на рускиот гас.

„Ќе почнеме да го градиме северниот интерконектор со Србија и практично да го користиме терминалот Александропулос, додека американскиот гас ќе биде супер голема конкуренција на постоечкиот гасовод, кој се нарекува Јужен тек. Можеби, знаете за Северен тек, но никој не зборува за Јужен тек, кој не е на врвот на Европа, додека другиот е на дното на Европа, а таму тече руски гас. Така, американскиот гас преку овој гасовод, кој ќе минува преку мојата земја, ќе биде супер голема конкуренција на рускиот гас кон централна Европа и кон Западна Европа. Затоа сме многу важни, и затоа сме стратешки партнери“, рече Мицкоски.

Мицкоски исто така го повтори својот став дека го поддржува американскиот потпреседател Џеј Ди Венс и говорот кој го одржа пред европските лидери пред два дена.

„Потпретседателот Џеј-Ди Венс истакна многу примери кои не се добри и кои не се усогласени со слободата на говорот, со демократските вредности, со барем заеднички, споделени вредности. И, пак ќе кажам, мислам дека беше во право“, рече Мицкоски.

Конференцијата за конзервативна политичка акција беше инструментална во издигнувањето на Трамп до врвот на конзервативната политика.

Трамп се обрати на состанокот за време на неговиот прв мандат, а оваа година тој ќе зборува утре.