Десетмесечно бебе e хоспитализирано во Куманово поради труење со лекови
Десетмесечно бебе вчера било донесено во Општата болница Куманово со симптоми на труење со лекови, потврдија од СВР Куманово.
– Вчера во 11:40 часот во СВР Куманово, од Општата болница Куманово било пријавено дека кај нив било донесено десетмесечно бебе од Куманово, кое било затруено со лекови. Извршен бил службен разговор со лекарот и родителите и за настанот бил запознаен јавен обвинител, соопшти СВР Куманово.
Од болницата за МИА потврдуваат дека бебето е во добра здравствена состојба.
СВР Куманово работи на расчистување на случајот, кој е втор за неполни две недели. На 22 јули годинава имаше сличен случај кога едногодишно дете од липковското село Отља исто така беше затруено со лекови.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
