Убедливи 3-0 на Македонија во дуелот со Албанија

Тениската репрезентација на Македонија со максимални 3:0 ја совлада вечерва Албанија во дуелот од второто коло од групата Б од Третата Европска зона од Дејвис купот што се игра во Талин, Естонија. Фавористката улога нашите тенисери ја потврдија со тоа што во шестте одиграни сета три од нив завршија со 6:0 во гемови.

Најубедлив беше Томислав Јотовски, кој во двата сета на Генајд Шипеја не му дозволи да освои ниту еден гем. Во вториот сингл меч Димитар Грабул го совлада Флавио Дече со 7:6 (7:3) и 6:1. Во игра на двојки Јотовски и Горазд Србљак ги победија Шипеја и Арбер Сулстарова со 6:0 и 6:3 во гемови.

Во вториот дуел од групата Б Република Ирска ја победи Ерменија со 3-0.

Утре во дуелот за првото место во групата и со тоа пласман во полуфиналето Македонија ќе игра против Република Ирска. Двете селекции по двете кола имаат по две победи.