ФИФА ги објави имињата на кандидатите за местото на Блатер

По 18 години ФИФА ќе добие нов претседател, човек кој ќе го замени досегашниот, Сеп Блатер.

Во трката за претседателското место ќе учествуваат: Џани Инфантино, Жером Шампањ, Токио Сексвејл, принцот Али Бин ал Хусеин и шеикот Салман Бин ал Калиф.

Комисијата формирана за изборот на нов претседател на ФИФА денеска ги потврди кандидатурите.

Блатер заминува од функцијата поради низата скандали кои се поврзани со неговото име, како и поради суспензијата која ја доби поради корупциски скандал, поради иста таква суспензија и Мишел Платини, кој се сметаше за замена за швајцарецот, ја изгуби шансата да биде претседател на светската фудбалска куќа.

Изборот за нов предводник на ФИФА ќе се одржи на стартот на следниот месец. Ќе се одлучува со тајно гласање.