Несреќа пред ЕП: Повреден Наумче Мојсовски
Искусниот македонски ракометен репрезентативец Наумче Мојсовски се здобил со тотрес на мозокот на вчерашниот контролен меч меѓу Словенија и Македонија.
Во последната минута од натпреварот одигран во Цеље, а кој заврши без победник, Наумче Мојсовски при еден продор кон противничкиот гол заврши на подот ударќи со главата. По укажаната лекарска помош Мојсовски мораше да го напушти теренот, а ситуацијата не му се подобрила ниту неколку часа по натпреварот.
- Не се чувствувам добро. Имам мал потрес на мозокот и чувствувам огромна главоболка. Се надевам дека состојбата наскоро ќе ми се подобри, изјави Мојсовски.
Овој натпревар поради здравствени проблеми го пропушти Гоце Георгиевски, но неговиот настап на ЕП 2016 не е доведен во прашање.
Каква пак е состојбата со Мојсовски останува да се види денеска, по враќето на репрезентацијата во Скопје, каде ќе остане со до заминувањето во Полска
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
