Извлечени паровите за бараж дуелите за Еуро 2016
Во седиштето на УЕФА во Нион денеска со извлекување беа одредени двојките за баражот за Европското првенство што следната година ќе се игра во Франција (ЕУРО 2016).
Во термините на 12 и на 15 ноември ќе играат: Норвешка и Унгарија, со тоа што прв домаќин е селекцијата на Норвешка. Следниот ден на 13 ноември е дуелот Босна и Херцеговина – Република Ирска, додека реваншот е три дена подоцна (16 ноември).
Натпреварите Украина – Словенија и Шведска – Данска ќе се играат на 14 и 17 ноември, а првите дуели се играат на терените на Украина и на Шведска.
Подобрите селекции од четирите двомеча ќе се пласираат на ЕУРО 2016 и ќе ја комплетираат бројката од 24 селекции учеснички.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
