Уште една рутинска победа на Вардар во СЕХА
Ракометарите на Вардар остварија уште една рутинска победа во СЕХА лигата, овојпат над Спартак Војпут во Суботица со резултат 27:36, полувреме 12:15.
Вардар настапи без неколкумина првотимци во составот, пред се повредените Дибиров и Карачиќ, но со доволно силен состав за лесна победа на ова гостување.
Најефикасен во составот на Вардар беше Михајло Марсениќ со седум гола, Филип Лазаров постигна шест гола, четири погодоци постигнаа Алекс Душебајев и Даниел Шишкарев, а трипати во листата на стрелците се запишаа Стојанче Стоилов и Лука Циндриќ.
Ѓорѓе Ѓекиќ беше најистакнат во редовите на Спартак Војпут со седум гола.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
