ВИДЕО: Страотна несреќа на Пике

Синот на трикратниот шампион на светот во Формула 1 Нелсон Пике (1981, 1983, 1987), Педро минатиот викенд имаше ужасна несреќа за време на трката во Бразил.

Поршето кое беше управувано од 17-годишниот Пике со голема брзина се превртело и тоа неколку пати.

По речиси десет секунди „летање“, моќниот автомобил се приземјил, а во истиот момент почнала и борбата за неговиот живот. Поршето почнало да гори, па редарите морале брзо да реагираат и да го извадат младиот возач.

Пике веднаш бил префрлен во болница, но за среќа нема тешки повреди. Тој на Инстаграм поставил фотографија на која се гледаат модринки по лицето, што секако е занемарливо ако се погледне видеото од несреќата.

Драмата на патеката во Бразил ја гледал и легендарниот Нелсон, кој не можел да го сокрие стравот по страотната несреќа.

Инаку, постариот син на Нелсон Пике, Нелсон Јуниор своевремено беше возач во Формула 1.