Чешка го освои седмото место на Евробаскетот

Репрезентацијата на Чешка со вечерашната победа над Летонија го освои седмото место на Евробаскетот.

 

Чесите во решавачкиот дуел за пласман на Олимписките квалификации остварија убедлива победа 97:70 (28:23; 29:13; 23:09; 17:25). Решавачката предност Чешка ја направи во втората и третата четвртина кои ги добија со вкупен резултат 52:22.

 

Претходно Олимписки квалификации со вчерашните победи обезбедија Грција и Италија. Летонија која од четвртфинале забележа три порази го освои осмото место и не успеа да избори квалификации. 

 

Вечерва на шампионатот се игра и второто полуфинале Србија и Литванија. Победникот од овој натпревар ќе игра во неделното финале против Шпанија и воедно ќе избори пласман на Олимписките игри во Рио следната година, додека во дуелот за третото место Франција ќе игра со поразениот од дуелот Србија – Литванија.