Евробаскет 2015: Победата против Холандија императив

По вчерашниот пораз од Грција, денеска Македонија го игра можеби клучниот натпревар за пласман во следната фаза од Евробаскет 2015.

Противник на нашите кошаркари им е репрезентацијата на Холандија која вчера изненадувачки ја совлада селекцијата на Грузија со 73:72. Натпреварот се игра во Арена Загреб од 15:00 часот.

Овој натпревар мора да се добие доколку сакаме да останеме во игра за пласман во следната рунда, а токму против Холандија од страна на нашите кошаркари и стручниот штаб беше најавувана победа.

Во продолжение целосниот распоред на натпреварите од вториот ден на ФИБА Евробаскет 2015.

Група А (Монпеље)

15:00 Русија – Полска

17:30 Финска – Израел

21:00 БиХ – Франција

Група Б (Берлин)

15:00 Германија – Србија

18:00 Исланд – Италија

21:00 Турција – Шпанија

Група Ц (Загреб)

15:00 Македонија – Холандија

18:00 Словенија – Грузија

21:00 Грција – Хрватска

Група Д (Рига)

14:30 Естониа – Белгија

17:30 Латвија – Литванија

20:30 Украина –Чешка.