Пандев во следната рунда на 100 метри на Светското првенство во атлетика
Македонскиот атлетичар Ристе Пандев успеа да ја мине елиминациската фаза во трките на 100 метри на Светското првенство во атлетика што се одржува во Пекинг. Тој во рамки на претпладневната програма го освои третото место во својата група и со тоа обезбеди пласман во квалификациите што ќе се трчаат попладнево.
Пандев имаше време од 10.94 секунди, додека победникот од неговата група Ал-Харти од Оман имаше најдобар резултат од 10.31 секунди. Со пласманот во попладневните трки Пандев се најде во групата на 64 натпреварувачи.
Најдобар резултат на нашиот атлетичар е 10.61 секунди поставен пред две години во Правец.
Оцени ја веста
22.08.2015 - 10:39
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
