Пау Гасол ќе игра на Евробаскетот?

Центарот на Чикаго Булс Пау Гасол би можел да заигра за Шпанија на претстојното Европско првенство во кошарка.

Се претпоставуваше дека Гасол ќе го пропушти Евробаскетот поради годините, но и поради проблемите со повредите кои ги имаше во текот на оваа сезона. Сепак, центарот на Чикаго повторно е „загреан“ за националниот тим, пишува „Марка“.

Пау уште не ја донел конечната одлука, некои детали треба да се решат, но состанокот со селекторот Серџо Скориоло поминал задоволувачки.

Својата одлука Пау Гасол треба да ја соопшти најдоцна до идната среда.

Инаку, Шпанија се наоѓа во Групата Б заедно со Србија, Германија, Италија, Исланд и Турција.