Кирил Лазаров во тимот на сезоната, а Душебаев најдобар млад играч
Ракометарот на Барселона и репрезентативец на Македонија Кирил Лазаров се најде во „ол стар“ тимот на сезоната од Лигата на шампионите, додека членот на Вардар Алекс Душебаев е прогласен за најдобар млад играч. Во изборот учествувале околу 44.000 гласачи на интернет страницата на ЕХФ, пренесе МИА.
Покрај Лазаров, кој е на позиција десен бек, во тимот на сезоната се уште: лево крило – Уве Геншајмер (Рајн Некар Ловен), лев бек - Никола Карабатиќ (Барселона), среден бек – Микел Хансен (ПСЖ), десно крило - Виктор Томас (Барселона), пикер – Ренато Сулиќ (Веспрем) и голман – Роланд Миклер (Веспрем).
Најдобар одбранбен играч е Рене Тофт Хансен (Кил), а за најдобар тренер е избран Талант Душебаев (Киелце).
Инаку во Келн утре и задутре се игра завршниот турнир од Лигата на шампионите. Утре во полуфиналето ќе играат: Барселона – Киелце и Кил – Веспрем. Финалето и дуелот за 3.место се играат во недела.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
