Од утре пренасочени дел од автобусите во Скопје

Градот Скопје ги известува граѓаните дека утре и задутре поради изведување градежни активности целосно ќе биде затворена за сообраќај делницата на булеварот „Митрополит Теодосиј Гологанов“ и тоа од вкрстосување со улица „Јуриј Гагарин“ до вкрстосување со улица „Московска“.

  Автобусите кои ја опслужуваат автобуската линија со број 4А, во правец од Центар кон Тафталиџе 2, ќе бидат пренасочени по булеварот „8-ми Септември“, Булевар „Партизански одреди“ и улица „Московска“. Во насока од Тафталиџе 2 кон Цетнар,  ќе се движи по истата траса, но по обратна насока.

 Автобусите од градските линии: 5 и 5А, во насока  од Центар кон Ѓорче Петров,  ќе бидат пренасочени преку булевар „8-ми Септември“ Булевар „„Партизански Одреди“, улица „Московска“ и продолжуваат по својата траса, по Булевар „Митрополит Теодосиј Гологанов“,  а во обратна насока ќе се движи по истата траса и при тоа ќе ги користат постоечките автобуски стојалишта.

 Се молат сите учесници во сообраќајот да се придржуваат на физичкото регулирање на сообраќајот од страна на униформирани полициски службеници, или други овластени службени лица, како и на времено поставениот режим на сообраќај.