Драма во Охрид: Со возило поминал низ оган, удрил човек и се заканувал со нож
Секторот за внатрешни работи Охрид презема мерки за пронаоѓање на лице кое утрово во Охрид изврши кривично дело „насилство“.
Настанот е случен утрово во 06:40 часот на улицата „Радојца Новичиќ“ кога засега непознатиот сторител, пред група граѓани собрани околу василичарски оган, го запрел патничкото моторно возило марка „Голф“ со скопски регистарски таблици и со нож во рака им упатил повеќе вербални закани.
Потоа, со возилото со голема брзина се упатил кон граѓаните и поминал преку запалениот василичарски оган. Притоа на едно лице му нанел лесни телесни повреди односно повреди во пределот на левото колено и левата рака.
Веднаш потоа избегал од местото на настанот.
По целосно расчистување на настанот и пронаоѓање на сторителот на кривичното дело „насилство“ Секторот за внатрешни работи Охрид ќе поднесе соодветна кривична пријава.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
