Ќе имаме променливо облачно време

Времето во Македонија ќе биде променливо облачно со сончеви периоди, а во западните и јужните делови со слаб локален дожд. Ќе дува слаб до умерен ветер од источен и југоисточен правец.

Утринската температура ќе се движи од пет до 14, а дневната од 19 до 22 степени.

Во Скопје променливо облачно со сончеви период и со слаб ветер од североисточен правец. Утринската температура ќе се спушти до 13, а дневната ќе достигне до 21 степен.

Утре и на почетокот на наредната седмица ќе преовладува претежно облачно време со повремени врнежи од дожд. Повеќе врнежи се очекуваат во понеделник.