Николоски: Ставот на ВМРО-ДПМНЕ е дека уставни измени под бугарски диктат нема да има

Ставот на ВМРО-ДПМНЕ е дека уставни измени под бугарски диктат нема и нема да има“, нагласи Александар Николоски, потпретседател на ВМРО-ДПМНЕ во емисијата „360 степени“ на МРТ.

-Доколку Бугарија сака било какво придвижување во однос на т.н. малцински права тие така ги именуваат во Бугарија, во тој случај ние мораме да ја видиме најрелевантната институција за малцински и човекови права во Европа, тоа е Европскиот суд за човекови права во Стразбур. Таму резултатот е 14:0, има 14 пресуди во корист на Македонците во Бугарија, и нула пресуди во корист на Бугарите во Македонија, појасни тој.

Николоски додаде дека доколку Бугарија сака да разговара со Македонија за околу 700-тини луѓе кои што кажале дека зборуваат бугарски јазик и се чувствуваат Бугарија во Македонија, фер е за стотици илјади Македонци кои што не можат да се декларираат на попис како Македонци во Бугарија да се спроведат пресудите од Стразбур.

-Ние пред година дена велевме ајде да почнеме со три, но секако дека нема да застанеме на три. Затоа што Бугарија како земја членка на ЕУ и на Советот на Европа, а Македонија е само членка на Советот на Европа, бара да се почитуваат малцински и човекови права мора и самата да ги почитува истите, рече потпретседателот на ВМРО-ДПМНЕ.

Тој посочи дека во однос на човекови права ЕУ не создаде свој суд туку го прифати Судот во Стразбур.

-Доколку Бугарија се обидува да наметнува нешто мора и самата да почитува. Не може да немаме реципроцитет. Не може Бугарија нас да не уценува и да настапува од позиција на сила, нагласи тој.

Николоски додаде дека очекуваат спроведување на пресудите од Европскиот суд за човекови права во Стразбур.