Напад во елитно училиште во Англија, има повредени
Три лица, меѓу кои двајца ученици, се повредени во сериозен напад во елитното училиште во округот Девон, Англија.
Полицијата рано утринава добила повик од училиштето Блундел во Тивертон по извештаите за сериозен напад, објави „Индипендент“.
Три лица се здобиле со тешки телесни повреди и се пренесени на лекување во болница.
Годишната школарина на Бландел е 48.000 евра. 16-годишно момче од Тивертон, град со 22.000 жители, е уапсено под сомнение дека со умисла нанел тешка телесна повреда и е во притвор.
Началникот Ентони Харт, локалниот полициски командант, рече дека тоа е многу трауматичен инцидент, како за инволвираните, така и за пошироката училишна заедница, додавајќи дека ќе продолжи тесно да соработува со училишната администрација и да им дава поддршка на сите засегнати.
„Во овој момент имаме информации дека сите инволвирани страни во инцидентот се поврзани со училиштето. Сакам да ја уверам локалната заедница дека веќе нема никаков ризик и дека не бараме никој друг во овој случај“, рече Харт.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
