Минчев: Таман е - во администрацијата има 22% Албанци

Во јавната администрација во моментов работат меѓу 22% и 23% етнички Албанци, објави Министерот за администрација Горан Минчев на денешната прес конференција.
„Последниот пресек од декември 2023 покажува дека етнички Албанци во јавната администрација има меѓу 22 и 23% а бројот на сите останати етнички заедници во земјава е меѓу 5 и 7%. Што значи дека горе долу овој баланс на правична застапеност во институциите е испочитуван“ рече Минчев
Тој објасни дека новото законско решение ќе биде испратено до Венецијанската комисија и дека ќе биде во согласност со Уставот за да не се случи Уставниот суд повторно да укине одредени членови од законот.