Медведев: Војната со Украина и Западот е нова патриотска војна
Заменик-претседателот на Советот за национална безбедност на Русија, Дмитриј Медведев, конфликтот на Русија со Украина и Западот го нарече нова патриотска војна.
„Браво, на крајот на краиштата, овој Борел со безживотно лице се сети дека нашата земја ги победи Наполеон и Хитлер. Забележете дека аналогијата тој самиот ја нацртал. Украинските нацисти и Западна Европа се директни наследници на оние кои се бореле со Русија. Војна со нив е нова патриотска војна“ напиша Медведев денеска на каналот Телеграм.
Медведев напомена и дека Русија ќе победи во оваа војна, како што беше во 1812 и 1945 година.
Високиот претставник на ЕУ за надворешна политика и безбедност, Жозеп Борел, во неодамнешниот говор рече дека Русија е навикната да се бори до крај, споменувајќи ги нејзините победи над Наполеон и Хитлер и повикувајќи на вооружување на Украина.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
