Ковачевски: Ги охрабрувам американските компании да инвестираат во Северна Македонија, како стабилна и безбедна дестинација
Тема на разговор на денешната средба беа условите за инвестирање во државава, посебно во делот на зелената енергија, како и поволностите кои земјата ги нуди за инвеститорите.
Поздравувајќи го интересот на американските компании за инвестиции во државава, премиерот Ковачевски ги охрабри присутните бизнисмени да ги разгледаат можностите за вложување во различни сектори.
Премиерот Ковачевски ги информираше присутните дека според актуелната законска регулатива, вкупната финансиска поддршка која може да биде исплатена, не може да надмине 50% од висината на реализираните оправдани инвестициски трошоци.
Премиерот Ковачевски, ги запозна претставниците од американските компании, дека Владата на Република Северна Македонија во наредниот период ќе се фокусира на целосно регионално патно, железничко, инфраструктура и енергетско поврзување.
На состанокот присуствуваа претставници од Ексим банка, Иновацискиот фонд за енергетика на Безос, Сименс Енерџи, заменик претседател на американско централно европската бизнис асоцијација и други.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
