Инспектори на ДЗС открија измама во Гостивар: Уапсен сопственик на ресторан

Гостиварската полиција го лиши од слобода 70-годишниот Б.Р., сопственик на угостителски објект во градот.

При координирана контрола со инспектори од Дирекцијата за заштита и спасување од Скопје, извршена во неговиот локал, било констатирано дека картонот за сервисирање на противпожарните апарати не е оригинален. Б.Р. е приведен во полициска станица, по што против него ќе биде поднесена соодветна пријава.