Доаѓа студ - Дневните температури ќе паднат за 8 степени, утринските под нулата
Времето денеска сончево со мала до умерена локална облачност. Ќе дува слаб до умерен ветер од северен правец. Во попладневните и вечерните часови облачноста ќе се зголемува. Максималната температура ќе биде во интервал од 17 до 24 °C, соопшти УХМР.
Во Скопје сончево со мала облачност која во попладневните и вечерните часови ќе се зголемува. Ќе дува слаб до умерен ветер од северен правец.
Продолжува периодот на стабилно и суво време со појава на магла и ниска облачност по некои котлини. Под влијание на постудена воздушна маса од север во недела ќе има зголемена облачност, ќе дува умерен до засилен северен ветер и дневната температура ќе опадне за 6 до 8 степени. Во текот на следната работна седмица утринските температури на повеќе места ќе се спуштаат под нулата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
