Белата куќа најави нова помош за Украина
САД очекуваат да објават нова безбедносна помош за Украина во наредните денови, изјави портпаролот на Белата куќа Џон Кирби.
Кирби рече дека најавата за нова помош е очекувана откако Вашингтон минатата недела објави дека ќе испрати 5,9 милијарди долари воена и буџетска помош за Украина, како и дека состанокот на Контакт групата за одбрана за Украина ќе се одржи во Германија на 9 јануари.
„Можете да очекувате и најава за нова безбедносна помош за Украина во наредните денови“, рече Кирби, без да наведе повеќе детали.
03.01.2025 - 20:57
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
